VIP SERVICE NBU

Siz O‘zbekiston Respublikasida o‘z Firmangiz yoki Bankingizning vakolatxonasini ochayapsizmi? Siz Toshkent shahriga Xalqaro hamkorlik yo‘nalishi bo‘yicha keldingizmi? Siz poytaxtimizda o‘z biznesingizni boshlash va rivojlantirish niyatidamisiz?

Faqat biz Sizga ishlashingiz va oilangiz yashashi uchun eng yaxshi shart-sharoit yaratib bera olamiz!

“VIP SERVICE NBU” markazi Sizning vakolatxonangiz ishini tashkil etish uchun poytaxtimizning qoq markazida joylashgan noyob ma’muriy bino – Xalqaro Bank va Moliya Markazidan ofis xonalarini, shuningdek o‘zingiz va oilangiz yashashi uchun Turar joy kompleksidagi kottejlarni ijaraga olishni taklif qiladi.

Biz xalqaro andozalarga muvofiq jihozlangan ofis xonalarini ijaraga berib, Sizning vakolatxonangiz ishlashi uchun g‘oyat qulay sharoit yaratishda zarur bo‘ladigan barcha xizmatlarni taqdim etamiz.

“VIP SERVICE NBU” bir necha tarkibiy bo‘linmalarni o‘z ichiga olgan. Bular:

	Xalqaro bank-moliya markazi;
	Turar-joy majmuasi;
	O'zmilliybank Tibbiyot markazi;
	"O'zmilliybank sport klubi" sport-dam olish majmuasi;
	"O'zmilliybank guzari";
	"Rohat" pansionati;
	"Chimboyliq" dam olish zonasi.

“VIP SERVICE NBU” markazi unitar korxonasi 1999 yil 21 yanvarda ro‘yxatga olingan.

“VIP SERVICE NBU” markazi UKning muassisi O‘zbekiston Respublikasi Tashqi iqtisodiy faoliyat milliy banki hisoblanadi.

“VIP SERVICE NBU” markazi UKni tashkil qilishdan ko‘zlangan maqsad O‘zbekiston Respublikasida joylashgan xorijiy diplomatik vakolatxonalar hamda ularga tenglashtirilgan xalqaro tashkilotlar xodimlari, O‘zbekiston Respublikasi bank va moliya sohasida, xalqaro moliya muassasalari vakolatxonalarida ishlayotgan va boshqa chet ellik mutaxassislar hamda ishbilarmonlar yashashi, ishlashi va dam olishi uchun qulay shart-sharoit yaratishdan iboratdir.

Aloqa uchun ma`lumot:  700190, Uzbekiston, Tashkent sh., Turob Tula ko'ch., 1   (998-71) 139-43-64, 139-48-84        (998-712) 21-10-61, 21-07-41 (Faks) E-mail: vipnbu@hotmail.ru