O'ZBEKISTON RESPUBLIKASI TASHQI IQTISODIY FAOLIYAT MILLIY BANKINING "ROHAT" PANSIONATI

Pansionat Issiqko‘l sohilida, dengiz sathidan 1620 metr balandlikda, Bishkek shahridan 240 km va Cho‘lpon ota shahridan 10 km masofada joylashgan.

Xilma-xil daraxtlar va butalardan iborat g‘aroyib o‘rmon vohasida 18,2 ga maydonda 650 o‘ringa mo‘ljallangan (xonalari 2, 3, 4 o‘rinli) uchta ko‘p qavatli bino qad rostlagan.

Bundan tashqari, mevali bog‘ ichkarisida kottejlar shaharchasi bor. Uni bemalol xalqaro toifadagi otel bilan qiyoslasa bo‘ladi. Puxta o‘ylangan interyer, zamonaviy dizayn, benuqson xizmatlar, professional ishlaydigan qo‘riqlash xizmati – bularning barchasi asosiy maqsadga xizmat qiladi. U ham bo‘lsa, har bir dam oluvchini aziz mehmon, deb hisoblash, har bir kishiga qulaylik yaratish va mehmondo‘stlik ko‘rsatishga intilishdir.

Banketlar o‘tkaziladigan va konsert zallari, 450 o‘rinli oshxona, choyxona, mini-qahvaxona va barlar dam oluvchilar xizmatiga shay. Ular uchun xilma-xil yevropacha va milliy taomlar tayyorlanadi.

Dam olish kompleksida Siz uchun trenajor zali, bilyard, o‘quv zali, komputer markazi, restoran ishlab turibdi. Barda xilma-xil yaxna ichimliklar bor.
Biznes-markazda Internetga ulangan komputerlar, elektron pochta va faksimil aloqasi, nusxa ko‘chirish texnikasi mavjud.

Sayyohlik agentligi xizmatlaridan foydalanib, Buyuk ipak yo‘li bo‘ylab sayohatga borish, tog‘ daralarida, shuningdek, Issiqko‘l bo‘ylab teploxodda sayr qilish, daryolarda qayiqda suzish (rafting), vertolot, paraplan, deltaplanda uchish mumkin. Agentlik chiptalar sotib olish bilan bog‘liq xizmatlarni ham taklif etadi.

Transport bilan haydovchi Sizning ixtiyoringizda bo‘ladi.

Sog‘lomlashtirish markazida Sizga usti yopiq, suvi isitiladigan suzish havzasi, trenajor zali, tish davolash va uqalash xonalarini taklif qilishadi. Bu yerda Siz diyetolog, kosmetolog, sheyping bo‘yicha murabbiy maslahatlarini olishingiz mumkin. Shu yerning o‘zida sartaroshxona ham xizmatingizga tayyor. Tennis korti bor.

Ijara punkti Sizga televizorlar, muzlatgichlar, plaj soyabonlari, bolalar avtomobillari, tennis raketkalari, koptoklar beradi.

Plajda Siz “suvli spiral”dan sirpanib tushish, katamaran, qayiq, suv motosikli, “banan”da sayr qilish, suv ostida suzish, parashut bilan sakrash imkoniga ega bo‘lasiz.

Qirg‘izisondagi Issiqko‘l pansionatiga marhamat qiling!

“Rohat-NBU” – qulaylik va mehmondo‘stlik makoni!

Aloqa uchun ma`lumot:  Qirg‘iziston Respublikasi, Cho‘lpon-Ota shahri, Qora-Oy qishlog‘i   (3943) 45-01-3, 52-28-8         (3943) 45-02-5 (Fax) 700190, Uzbekiston Respublikasi, Tashkent shahri, Uch Kahramon ko'ch., 75   (99871) 139-43-64, 139-48-84         (998712) 21-10-61, 21-07-41 (Fax) E-mail: vipnbu@hotmail.ru