Akkreditivlar va kafolatlar

Tashqi savdo bo'yicha to'lovlarni ta'minlash va amalga oshirish uchun Milliy bank o'z mijozlari ixtiyoriga ikkita an'anaviy vosita - akkreditivlar va kafolatlarni taqdim etadi. Hujjatli akkreditiv o'z mohiyatiga ko'ra, agar benefitsiar akkreditivda ko'zda tutilgan hujjatlarni belgilangan muddatda taqdim etsa, Bank benefitsiarga kelishilgan valutada muayyan summani o'z buyurtmachisi hisobidan to'lash to'g'risida bergan va'da hisoblanadi.

To'lovni ta'minlash vositasi sifatida hujjatli akkreditiv o'z afzalliklariga ega. Bular, xususan, quyidagilardir:

	hujjatli akkreditivlar operatsiyalar o'tkazilayotganda ta'minot vositasi sifatida amalda jahonning barcha mamalakatlarida qo'llaniladi;
	tegishli summani oldindan tasarruf etishda sotuvchi uchun qulay;
	to'lov shartlariga moslashuvchan va ayni paytda ishonchli;
	qisqa muddatli moliyalash vositasi sifatida foydalanish mumkin;
	to'lovni tez va hech qanday to'sqinsizlik amalga oshiradi, natijada sotuvchi muayyan vaziyatlarda arzirli siylovlarga ega bo'ladi;
	xalqaro darajada huquqiy jihatdan ishonchli hisoblanadi.

Bank kafolati to'lov va shartnoma bo'yicha majburiyatlarni bajarishning muhim vositasi hisoblanadi.

Milliy bank o'z mijozlari manfaatlarini ko'zlab va ular topshirig'iga ko'ra, xorijiy sheriklar va O'zbekiston Respublikasi rezidentlari foydasiga bo'nak to'lovi qaytarilishi kafolati, kontrakt ijro etilishi kafolati, shuningdek xalqaro amaliyotda qo'llaniladigan boshqa turdagi kafolatlarni taqdim etadi.

Aloqa uchun ma`lumot:    Eksport-import operasialar moliyalash boshqarmasi  +998-71 -137-59-28  +998-71-137-63-47(Fax)