Xorijiy banklarning topshirig'iga ko'ra o'zbek so'midagi jo'natmalar

O'zbekiston Respublikasining amaldagi qonunlariga muvofiq, o'zbek so'midagi, shuningdek MDH davlatlarining milliy valutalaridagi vakillik hisobvaraqlarini ochish hamda yuritish ishlari O'zbekiston Respublikasi Markaziy bankining ruxsati bilan amalga oshiriladi. Hozirgi kunda Markaziy bank faqat Rossiya Federatsiyasi va Ukraina rezidentlari bilan o'zaro hisob-kitob qilish uchun o'zbek so'mida vakillik hisobvaraqlari yuritishga ruxsat etgan.

Bunday hisobvaraqlar faqat bitta Rossiya banki - "Aziya-Invest Bank" ATBda ochilishi mumkin. Bu bank esa, O'zbekiston Milliy bankining sho''ba banki hisoblanadi.

Agar Sizda o'zbek so'mida o'zaro hisob-kitob qilishga qiziqish uyg'ongan bo'lsa, "Aziya-Invest Bank" ATBda vakillik hisobvarag'i ochishni taklif qilamiz.

Norezident banklar topshirig'iga ko'ra bajariladigan o'zbek so'midagi barcha jo'natmalar O'zmarkazbank 1997 yil 3 dekabrda 375-son bilan tasdiqlagan "Eksport-import operatsiyalari bo'yicha hisob-kitoblarda O'zbekiston Respublikasining milliy valutasidan to'g'ri foydalanish tartibi"ga, shuningdek O'zbekiston Respublikasi vakolatli idoralarining boshqa me'yoriy hujjatlariga muvofiq amalga oshiriladi.

Aloqa bog'lash uchun ma'lumot: Xorijiy banklar bilan hamkorlik boshqarmasi:  +998-71 -137-59-46  +998-71-137-59-58(fax)