Yo'l cheklaridan foydalanish qoidalari

Yo'l cheklaridan foydalanish hamda o'g'irlatilgan yoki yo'qotib qo'yilgan yo'l cheklari qoplamasini olish bo'yicha yagona qoidalar (bu ma'lumot yo'l cheki sotilgani to'g'risidagi kvitansiya nusxasining orqa tomonida berilgan):

	Birinchi imzo albatta yo'l cheklariga ular sotib olinayotganda, chekni sotayotgan shaxs huzurida qo'yilishi shart. Agar bu shart bajarilmasa, yo'l cheklari yo'qolgan yoki o'g'irlangan hollarda chek egasi o'z pulini ololmasligi mumkin
	Ikkinchi imzo cheklarga faqat ulardan foydalanilayotgan vaqtda qo'yiladi (bunda ularni to'lov uchun qabul qilayotgan shaxs ishtirok etishi shart)
	Yo'l cheklarini ham xuddi naqd pul kabi avaylab saqlash hamda ularni o'g'irlik yoki yo'qolishdan asrash zarur
	Sotuv to'g'risidagi kvitansiyalar yo'l cheklaridan alohida saqlanishi kerak
	Yo'l cheklarini saqlash uchun uchinchi shaxslarga berish mumkin emas
	Yo'l cheklari o'g'irlangan yoki yo'qolgan hollarda bu haqda darhol (24 soat ichida) qoplash xizmatining bepul telefonlari orqali yo'l cheklari chiqargan kompaniyaga, agar zarurat bo'lsa, turgan joyingizdagi politsiyaga xabar qilib, hodisaning barcha tafsilotlarini bayon etish lozim. Bunda o'g'irlatilgan/yo'qotilgan cheklarning seriyalari va nomerlarini, shuningdek ular sotib olingan joy hamda sanani aniq ko'rsatish kerak
	Qoplash xizmatining telefonlari mijozda saqlanadigan sotuv to'g'risidagi kvitansiyaning orqa tomonida berilgan
	Yo'l cheklari o'g'irlangan yoki yo'qolgan hollarda ularning egasi qoplama olish to'g'risida maxsus ariza to'ldirishi hamda emitent kompaniyaga u yo'l cheklarini xarid qilayotganida olgan sotuv to'g'risidagi kvitansiyani ko'rsatishi kerak bo'ladi
	Mijoz yo'l cheklarini saqlashning yuqorida bayon etilgan barcha qoidalariga rioya etgan hollarda emitent kompaniya o'g'irlangan/yo'qolgan cheklar bo'yicha qoplama pulini to'laydi. Faqat mijozning cheklari hukumat, sud, politsiya, bojxona qaroriga ko'ra musodara qilingan holatlar bundan mustasno. Bunday hollarda qoplama puli to'lanmaydi
	Emitent kompaniya, agar ish tafsilotlari talab qilsa, zarur vaqt mobaynida yo'l cheklari o'g'irlatilishi/yo'qotilishi bilan bog'liq muayyan hodisa yuzasidan tekshiruv o'tkazish huquqiga ega. Bunda tekshiruv davri mobaynida qoplama puli to'lanishi kechikkani sababli mijoz ko'rishi mumkin bo'lgan zararlar uchun kompaniya moddiy javobgar hisoblanmaydi.